BASI LAUNGUA MOTO

AJALI YA MOTO.MNAMO 17/9/2014 MAJIRA YA 16.00 HRS HUKO KIJIJI CHA NG'ALILE (W) RUANGWA (M) LINDI KATIKA BARABARA YA NANGANGA - RUANGWA, GARI LA ABIRIA NO.T417BNH YOUTONG MALI YA BALAJ TRANSPORT IKIENDESHWA NA ATHUMANI RASHID CHONGWE MWENYE UMRI WA MIAKA50 KABILA MZARAMO  MKAZI WA BUGURUNI D'SLAAM LILIUNGUA MOTO NA KUTEKETEA KABISA.

CHANZO CHA MOTO HUO BADO HAKIJAJULIKANA. HAKUNA MADHARA KWA ABIRIA WALA MALI ZAO.

Read More

BASI LAZAMA BAHARINI BAADA YA BREAK KUGOMA GHAFLA

mwaka huu majanga basi lanusurika kuzama mto pangani Kwenye kivuko cha mv pangani baada ya kufeli break leo hii asubuhi majeruhi dereva peke yake

Read More

ANAYESADIKIWA MCHAWI ADONDOKEA KANISANI

Ni kwenye Kanisa la Paradise Internation Ministries lililoko Karakata Ukonga jijini Dar, mwanamke mmoja (pichani) anayedaiwa mchawi alidondoka usiku wa saa saba na kujikuta hawezi kutembea.

Mwanamke anayedaiwa kuwa mchawi akiwa amedondoka Kanisani.

Tukio hilo lilijiri Septemba 13, mwaka huu wakati waumini wa kanisa hilo wakiwa wamezama kwenye maombi ya kufunga.
Ilidaiwa kuwa, waumini wa kanisa hilo wakiwa katika maombi hayo, Nabii Gideon Parapanda aliwahakikishia kuwa usiku huo kutatokea mambo ya ajabu kufuatia maombi hayo.
Inadaiwa ilipofika saa saba usiku mwanamke huyo akiwa na wenzake watatu, walidondokea kanisani hapo na kusababisha taharuki kwa waumini waliokuwa wakifanya maombi ndani. Mwanamke huyo alikuwa na kitambaa chekundu kikidaiwa ni hirizi, fimbo  nyeusi iliyozungushiwa shanga na alikuwa amejipaka masizi mwilini.

Mwanamke baada ya kudondokea kanisani na kusababisha taharuki kwa waumini waliokuwa wakifanya maombi ndani. 

Akizungumza na Uwazi, Nabii Parapanda alisema watu hao walidondoka watatu, wawili walifanikiwa kukimbia akabaki huyo mmoja aliyejitambulishwa kwa jina moja la Aisha, mkazi wa Mwananyamala A jijini Dar.
Baada ya tukio hilo vyombo vya ulinzi, askari wa JWTZ na polisi walifika kwa lengo la kuhakikisha usalama wa eneo  hilo lakini nabii huyo aliomba mtu huyo asichukuliwe hadi atapofanyiwa maombi maalum.
Ombi la kiongozi huyo lilikubaliwa ambapo Aisha alipandishwa  madhabahuni na kukiri kuwa alikuwa na wenzake watano lakini katika kuanguka walikuwa watatu, wawili walifanikiwa kukimbia bila kusema walikuwa wakitoka wapi kwenda wapi.

Kitambaa chekundu alichokuwa nacho mwanamke huyo.

Kamanda wa Polisi Mkoa wa Kipolisi Ilala, SACP Mary Nzuki alipohojiwa kuhusiana na tukio hilo alisema:
“Ni kweli tukio hilo limetokea na watu wameshuhudia, mwanamke huyo bado  yuko kanisani hapo kwa maombi.”

Read More

AJALI MBAYA YA LORI YAUA MKOANI SINGIDA

Lori aina ya Scania likiwa limeharibika baada kupata ajali kwa kuligonga lori lingine kwa nyuma lililosimama ghafla kwenye tuta katika Kijiji cha Isuna, Barabara ya Singida-Dodoma . Inadaiwa dereva wa lori hilo alikufa papo hapo.

Read More

AJALI NYINGINE YA BASI LA RUSKA ILIYOUA WATU WAWILI NA 65 KUJERUHIWA - KIGOMA

Basi la Ruksa aina ya Scania lenye namba za usajili  T 273 ACX llililokuwa iliktokea mkoani Kigoma kwenda wilayani Kahama mkoani Shinyang'a likiwa limepata ajali katika kijiji cha Kanyonza wilayani Kakonko,mkoani Kigoma ambapo watu Wawili walipoteza maisha papo hapo na wengine 65 kujeruhiwa katika Ajali hiyo ya Septemba 08,2014,majira ya saa Sita mchana.

Pichani juu na chini ni Jeshi la polisi wilaya ya Kakonko lilifika eneo hilo na kuwachukuwa waliojeruhiwa  na kuwapeleka katika hospitali ya wilaya  kwa ajili ya matibabu.

Taswira ya Basi hilo la Ruksa likiwa eneo la Ajali ambapo mashuhuda wanasema chanzo cha ajali kilisababishwa na mwendo kasi.

Picha Na:Mwanawamakonda WhatsApp +255789925630.

Pichani ni Baadhi ya Majeruhi wa ajali hiyo wakiwa wodini  katika hospitali ya wilaya ya Kakonko kwa ajili ya matibabu.

Read More

ALIYEDAIWA KUUAWA KWA KIPIGO CHA POLISI, UKWELI WAJULIKANA

KIFO cha mfanyabiashara aliyeshikiliwa katika Kituo cha Polisi cha Stakishari, Ukonga jijini Dar es Salaam, Liberatus Damiani Temu (55) kilichodaiwa kilitokana na kipigo kutoka kwa askari wa kituo hicho sasa ukweli umejulikana.Waombolezaji wakitoa heshima za mwisho kwa marehemu, Liberatus Damiani Temu (55) anayedaiwa kufariki kiutata.
Chanzo makini kililiambia gazeti hili kuwa utata wa tukio hilo ulianzia mbali kwani Mei, mwaka huu, marehemu alimgonga na gari mtu mmoja anayefahamika kwa jina la Hamis Magoma na kujeruhiwa vibaya.

Mke wa marehemu, Naomi Liberatus (katikati) akihuzunika kwa kumpoteza mwenzake.

Baada ya kusababisha ajali hiyo, ilidaiwa marehemu Liberatus alifuatilia masuala ya bima ili aweze kumlipa aliyemgonga ambaye pia anatajwa kuwa mteja mzuri katika Baa ya Meku iliyokuwa ikimilikiwa na marehemu.

Naomi Liberatus akiwa amezimia wakati wa mazishi.

Chanzo kinasema baada ya kutokea kwa ajali hiyo, hali ya Magoma iliendelea kuwa mbaya hadi Agosti 22, mwaka huu saa tano usiku marehemu alipokamatwa na kufikishwa kituoni hapo akidaiwa kumjeruhi Magoma kwenye ajali.Padri akiiombea roho ya marehemu ya marehemu (Liberatus Damiani Temu).

Mke wa marehemu, Naomi Liberatus aliyezimia mara mbili wakati wa mazishi, alisema mumewe ambaye kwa kipindi chote tangu apate ajali hiyo, alikuwa hafanyi shughuli yoyote, alikataliwa kupewa dhamana kwa madai kuwa majeruhi (Magoma) alikuwa na hali mbaya.Mwili wa marehemu Liberatus Damiani Temu ukichukuliwa kwenye gari kwa ajili ya mazishi.

Kuhusu hatua nyingine ilidaiwa kuwa marehemu akiwa mahabusu aligonga kichwa chake kwa nguvu ukutani, hali iliyosababisha wenzake kupiga kelele za kuomba msaada na kwamba baada ya askari kufika na kukuta hali ilivyo, walimkimbiza Hospitali ya Taifa Muhimbili kwa matibabu ambako alifariki dunia.Marehemu Liberatus Damiani Temu enzi za uhai wake.

“Watu wanasemasema tu kwamba Liberatus aliuawa na askari, si kweli. Kwa nini tumuue? Kwa kosa lipi? Sisi tulimshikilia kwa sababu hali ya majeruhi aliyemgonga ilikuwa mbaya, hivyo kumweka mahabusu marehemu ilikuwa kwa ajili ya usalama wake pia.

Kamanda wa Polisi Kanda Maalum ya Dar es Salaam, Suleiman Kova akifafanua jambo.

“Wengi wanaamini kila anayewekwa mahabusu ni mhalifu wa kiwango cha kuteswa na polisi, si kweli. Wengine wanakaa hapa ili kuwalinda. Wewe ukiua unadhani ndugu wa marehemu watakuacha?” alisema askari mmoja wa kituo hicho bila kutaja jina lake kwa kuwa si msemaji mkuu.
Alisema kuwa mahabusu waliokuwa na marehemu ni mashahidi wakubwa kwamba jamaa alijigonga kichwa ukutani lakini kabla ya kufanya hivyo, alikuwa akisemasema maneno mengi kama aliyechanganyikiwa.
Hata hivyo, marehemu amezikwa akiacha maswali kibao, watu wanajiuliza je, kilichosemwa na polisi ndiyo ukweli au la! Kufuatia utata wa kifo hicho, Kamanda wa Polisi Kanda Maalum ya Dar es Salaam, Suleiman Kova ameunda tume kufuatilia sakata hilo.

Read More

POMBE SIO CHAI ANTY LULU ATIA FORA KWA HILI...NI AIBU TUPU ALMANUSURA KULIWA TIGO

MTANGAZAJI chakaramu Bongo, Lulu Mathias Semagongo ‘Aunty Lulu’ amenaswa akiwa hoi kwa kilevi na kuwaacha wadau wakisema ‘kazi ni kwako’.

Kituko ni kwamba, Aunty Lulu alifakamia pombe hizo zilizompeleka hali ya ‘u-tilalila’ katika kipindi hiki ambacho anakabiliwa na mitihani ya kumaliza masomo ya uandishi wa habari ngazi ya stashahada.

Staa huyo aliyeanza ‘kuhiti’ tangu akiwa na umri mdogo, alinaswa na kamera zetu usiku wa Jumatano iliyopita ndani ya Club Bilicanas, Dar es Salaam. 

Ilikuwa saa 6:39, paparazi wa Risasi Jumamosi alimtia machoni Aunty Lulu kwa mara ya kwanza ndani ya klabu hiyo, kulikokuwa na shoo ya Bendi ya African Stars International ‘Twanga Pepeta’. 
Wakati huo, staa huyo alikuwa akirandaranda mfano wa mtu aliyekuwa akitafuta sehemu ya kujiegesha.
Baada ya kuzunguka kwa dakika mbili hivi, Aunty Lulu alitenga makalio jirani na moja ya kaunta za klabu hiyo na kuanza kukata monde a.k.a maji ya mende ambayo yalimchakaza na kumuacha hoi.
Kabla hajazimika, Aunty Lulu alifanya vitu viwili kwa zamu akiwa tayari rojorojo, kunywa pombe kwa fujo na kuchangamka kwa muziki wa Twanga, hivyo kukata mauno ‘kama hana akili nzuri’.

Kama ilivyo kwa msemo, ‘ulevi noma, funda moja tu la ziada linaweza kukuumbua’ ndivyo mambo yalivyomtokea puani Aunty Lulu, kwani mwisho alikuwa taabani na kufanya yasiyo na heshima. 
Moja ya matukio ya kilevi aliyoyafanya ni kumvamia jamaa mmoja (anayedaiwa siyo riziki, pichani mbele) na kudendeka naye bila woga kabla ya kulala fofofo kwa kuugeuza ubao wa kaunta ndiyo kitanda cha chumbani kwake
 Baadhi ya watu wanaomfahamu Aunty Lulu waliamua kumuokoa kwa kumpakia kwenye teksi ili kumrudisha nyumbani kwao lakini muda huo, paparazi wa Risasi alishafanya kazi yake ya kuchukua picha.

KABLA HAJALEWA (JUMATANO JIONI)
 Jioni ya siku ya tukio, Aunty Lulu katika mawasiliano na mmoja wa mapaparazi wetu, aliandika SMS: “Jamani sasa hivi nipo ‘bize’ na masomo. Nipo kwenye mitihani ndiyo maana sipatikani.”

POMBE ZILIPOISHA (ALHAMISI ASUBUHI) 
Baada ya kupigiwa simu na paparazi wetu kumjulia hali kutokana na jana yake kuwa tilalila alijibu: “Jamani mimi sikumbuki kitu, rafiki zangu ndiyo wameniambia asubuhi hii. Nadhani pombe sasa zinanishinda, hii ni hatari.”

CHUO CHA AUNTY LULU 
Hivi sasa, Aunty Lulu anasomea cheti cha uandishi wa habari kwenye Chuo cha Uandishi wa Habari na Mawasiliano kwa Umma (SJMC) jijini Dar.

Read More

DENTI WA MIAKA 11 AMBAYE NI TAPELI NAMBA MOJA HUYU HAPA, MWALIMU WAKE AFUNGUKA

Nyuma ya tukio la denti wa darasa la tano kwenye shule moja ya msingi iliyopo Mbezi-Shamba, Dar, aliyejitambulisha kwa jina moja la Irene (11) la kunaswa akifanya utapeli kwa kuwaibia raia, mazito yameibuka.

Denti wa darasa la tano anayetambulika kwa jina moja la Irene (11) aliyenaswa akiwatapeli raia.

Katika tukio hilo lililojiri hivi karibuni maeneo ya Posta Mpya, Dar, denti huyo alikuwa akisimama nyakati za asubuhi akivalia sare za shule huku akiombaomba kwa madai kuwa hana nauli ya kuvukia katika kivuko cha Kigamboni kwenda shule anayosoma.
Kwa mujibu wa mmoja wa mashuhuda, mtoto huyo alikuwa akisimama mbele  ya Kituo cha Daladala cha Posta mpya akijifanya ombaomba kwa madai kwamba hana  nauli.Ilisemekana kwamba siku nyingine mtoto huyo alikuwa akionekana akiuza simu kwa bei chee na alipohojiwa alikokuwa akizitoa alidai ameziokota.

Mwandishi wa Global na Global TV Online, Gabriel Ng'osha (kushoto) akipata undani wa habari katika tukio hilo. 

Dereva mmoja, Juma Hamis anayeegesha gari lake eneo hilo (Posta Mpya) alisema kuwa tabia ya mtoto huyo ilikuwa ni ya muda mrefu kwani alianzia Kariakoo, Dar akitapeli na kuiba madukani ambapo watu walimstukia hivyo akaamua kuhamia Posta.
“Mara kadhaa amenusurika kupigwa akidaiwa kuchomoa simu za watu kwenye mikoba ndani ya daladala.“Kukamatwa kwa Irene, watu wa maofisini na kwenye daladala wameshukuru kwani anafahamika na ni tishio kwa utapeli na ndiyo waliomchoma kwa polisi akadakwa baada ya kukutwa akijidai ni ombaomba,” alisema dereva huyo.

Ofisa wa Polisi kutoka 'Central Police' Posta akifafanua jambo kuhusiana na mkasa huo.

Jader Sapi, anayefanya kazi katika ofisi moja zilizo ndani ya jengo la IPS, alisema mtoto huyo aliwahi kuingia ofisini kwao na alipotoka, wafanyakazi wawili walilalamika kupotea kwa simu zao, kitu kilichowafanya wajue ni yeye.
Mama mmoja aliyeshuhudia Irene akichukuliwa na askari, alisema ameshawahi kumpa fedha mara kadhaa denti huyo, akiamini alivyomweleza kuwa hakuna na wazazi na hivyo hana nauli ya kumpeleka shuleni.
Akizungumza na gazeti hili akiwa mikononi mwa polisi kwenye Kituo Kikuu, Irene alisema ni mwanafunzi wa shule moja ya msingi (jina kapuni) iliyopo Mbezi-Shamba na siyo kama alivyokuwa akidanganya kuwa anasoma Kigamboni, Dar.

Wananchi wakishuhudia laivu tukio hilo lililotokea maeneo ya Posta mpya, Dar es Salaam.

Pia alikiri kwamba amekuwa akidanganya kuwa hana wazazi wakati ukweli ni kwamba wazazi wake wapo.“Ni shetani tu aliniingia nikawadanganya raia,’’ alisema Irene.
Baada ya kushuhudia tukio hilo, wanahabari wetu walimsaka mkuu wa shule anayosoma mtoto huyo, Yusuph Zenny ambaye alikiri kumfahamu Irene na kudai kuwa tayari taarifa kutoka Kituo Kikuu cha Polisi, Dar zilimfikia.
Alitobosa siri kuwa ameshapata malalamiko mara kadhaa kuhusiana na binti huyo na kwamba amekuwa akifanya uchunguzi ili kupata ukweli.
Hata hivyo, alisema anawasiliana na wazazi ili kulifuatilia sakata hilo hivyo kuwaomba wanahabari wetu wampe muda atatoa majibu au hatua itakayochukuliwa huku Irene akiwa bado mikononi mwa polisi kwenye dawati la jinsia.

Read More

POLISI YATHIBITISHA KUPIGA BOMU JANA KANISANI

Siku moja baada ya taarifa ya kupigwa bomu wanakwaya wa Kanisa Katoliki Parokia ya Mtakatifu Karoli Lwanga, Usa River, Kamanda wa Polisi wa Mkoa wa Arusha, Liberatus Sabas, amefafanua kuwa polisi walitumia bomu la machozi kuwarushia watu kwa lengo la kudhibiti vurugu akidai kuwa waliwarushia polisi mawe, usiku wa mkesha wa mwaka mpya.
 

Katika tukio hilo, waumini sita waliokuwa wakitoka kwenye ibada ya mkesha wa mwaka mpya katika Kanisa Katoliki la Mtakatifu Karoli Lwanga, eneo la Kisangani Usa River walijeruhiwa maeneo ya miguuni kwa kuchanwa na vitu vilivyosababishwa na mlipuko huo.
 

Kwa mujibu wa Kamanda Sabas, waliojeruhiwa ni Aneth Baltazar Makoi (17), mkazi wa Magadini ambaye alijeruhiwa miguu yote miwili na sehemu ya paja la mguu wa kushoto na mwingine ni Mary Melkiori Kwayu (40) mkazi wa Leki Tatu ambaye alijeruhiwa miguu yote miwili na wote wamelazwa Hospitali ya West Meru.
 

Askofu Mkuu wa Kanisa Katoliki Jimbo Kuu la Arusha, Josephat Lebulu, juzi aliwatambelea majeruhi watano waliokuwa wamelazwa katika hospitali inayomilikiwa na kanisa hilo ya Shirika la Mapadre wa Roho Mtakatifu iliyopo Usa River.
 

Alihoji kwa nini waumini wake wanapigwa kwa mabomu.

“Ninashangaa kutokea tukio hili likiwa limekuja huku bado hatujasahau tukio lingine kubwa lililotokea katika Kanisa la Mtakatifu Joseph Mfanyakazi, Mei 5, mwaka huu,” alisema.
 

Alihoji waumini hao walikuwa na kosa gani hadi kupigwa bomu na kujeruhiwa na akashangaa ukimya wa  polisi kulitolea maelezo tukio hilo.
 

Pia alishangaa kwanini taarifa hizo zilikuwa hazijatangazwa tangu tukio hilo lilipotokea na akataka waliohusika wachukuliwe hatua na kuwajibishwa.
 

Mganga Msaidizi wa hospitali ya kanisa hilo, Dk. Frederick Mathew, alikubali kuwapokea majeruhi watano wa mlipuko huo wa bomu na akasema hali yao inaendelea vizuri.
 

Pamoja na hao majeruhi aliowataka Kamanda Sabas, majeruhi wengine ni Alphonce Nyigo (19), Philip Ambrose (22), Theresia Lesitare (33).
 

NIPASHE Jumamosi ilipotembelea jana hospitalini hapo ilielezwa na Mganga Msimamizi, Sista Anna Kipendi, kuwa majeruhi wengine wameruhusiwa isipokuwa Mary Melkioni Kwayu,  Anneth Baltazar Makoi na Theresia Lesitare (33).
 

Alisema Aneth Baltazar alihamishwa hospitalini hapo kutoka hospitali ya wilaya ya Arumeru kwa matibabu zaidi.
 

Akizungumzia zaidi tukio hilo, Kamanda Sabas alisema majira ya 6:10 usiku ambao ni siku ya Januari mosi, eneo la Ngarasero baadhi ya wananchi wa eneo hilo ambao hawakutaka kutii wito walianza kufanya fujo kwa kuchoma matairi barabarani, kuharibu mali za watu pamoja na kupiga mawe magari yaliyokuwa yanapita barabarani.
 

Alisema askari waliokuwa doria eneo hilo waliendelea kuzima moto na kuwadhibiti watu hao ambao walikuwa wanafanya fujo lakini waliendelea kuwashambulia kwa kuwarushia mawe askari waliokuwa wakizima moto na kusababisha kuwajeruhi askari watatu.
 

Aliwataja maaskari hao kuwa ni mkaguzi msaidizi wa polisi Athumani ambaye alijeruhiwa mguu wa kulia, askari G. 3475 Ramadhan aliyejeruhiwa kichwani na shavu la kushoto huku mgambo mwenye namba 97658 Jacob alipata majeraha katika shavu la kulia chini ya jicho.
 

Alisema pamoja na idadi ya askari kuongezeka eneo hilo kwa nia ya kudhidibiti vurugu, bado wananchi hao waliendelea kurusha mawe ndipo amri ya kutumia mabomu ya moshi ilipotolewa kwa madhumuni ya kuwatawanya.
 

Alisema askari waliojeruhiwa walitibiwa katika hospitali ya West Meru na kuruhusiwa na kwamba watu wanne wamekamatwa kuhusiana na vurugu hizo.
 

Aliwataja watu hao kuwa ni Seleman Hamis (24), mkazi wa Majengo Usa River, Patrick Richard (21), Jabu Yasini (25) na Hamisi Juma wote wakazi wa Kisambare na walitarajiwa kufikishwa mahakamani jana.

CHANZO: NIPASHE

Read More

MWILI WA MAREHEMU DK. MGIMWA WASHUSHWA KWENYE NDEGE, ANGALIA HAPA

 

Mwili wa aliyekuwa Waziri wa Fedha, Dk.William Mgimwa umewasili nchi hii leo kwa ndege ya shirika la Kenya (KQ) na kupokelewa na viongozi mbalimbali wa chama na Serikali wakiongozwa na Katibu Mkuu Kiongozi Ombeni Sefue opamoja na Mawaziri mbalimbali na Wabunge.

Read More

TASWIRA YA JIJINI DAR KWENYE ADHA YA USAFIRI

 Wakazi wa maeneo mbali mbali ya jiji la Dar wakiwa kwenye kituo cha basi cha Mbezi mwisho asubuhi hii kusubiria usafiri wa kwenda mjini Dar es salaam kwa shughuli mbalimbali. Hali kama hii utaikuta maeneo ya Mbagala, Gongo la Mboto, Temeke Mwisho na kwingineko katika muda huu. Jioni halihii huonekana Posta Mpya, Mnazi Mmoja na Msimbazi. Je, nini kifanyike kupunguza adha hii? Na hao ni abiria wa mabasi, bado wenye magari binafsi na usafiri mwingine, wote wakielekea katikati ya jiji.

 Kibaha Picha ya Ndege

 Nyomi ya Mbezi Mwisho

 Hapa ni Mbezi Mwisho asubuhi hii

Read More

MDADA WA MIAKA 25 AJIFUNGUA WATOTO WANNE KWA MPIGO, AOMBA MSAADA WA KUWATUNZA WATOTO HAO

Aida Nakawala 25 mkazi wa kijiji cha Chiwanda Wilaya ya Momba Mkoa wa Mbeya, hivi karibuni alijifungua watoto wanne  mapacha kwa mkupuo(Quadliplets) katika usiku wa kuamkia Mwaka mpya anaendelea vizuri.

Mwanamke huyo ambaye kwa hivi sasa anaendelea na matibabu katika Hospitali ya Wazazi ya Meta akiwa na watoto wake wote wanne alijifungua majira ya saa 10 alfajiri usiku wa kuamkia Januari Mosi Mwaka huu katika Hospitali ya Wilaya ya Mbozi na watoto wakiwa na uzito wa kawaida tofauti na matarajio ya Wengi.

Muuguzi na msimamizi wa Watoto katika chumba cha Joto Sista Frolence Maisa amesema hali za watoto ni nzuri ambapo mama mzazi anahitaji kupatiwa vyakula vinavyoweza kumuongezea maziwa mengi kutokana na idadi ya watoto aliyonayo.

kikosi cha blog ya Mbeya yetu  Kikiongozwa na Joseph Mwaisango ambacho kilifika kumjulia hali kiliguswa na hali hiyo na kujitolea kamsaada kidogo wa nguo za watoto sabuni  chupa na dishi  hivyo kuwaomba wadau wengine kumsaidia mama huyo ili aweze kuwalea vizuri watoto wake.

Katibu msaidizi wa hospitali ya  Rufaa Mbeya Mwansasu akipokea msaada huo kwa niaba ya mzazi

KATIKA hali isiyokuwa ya Kawaida Mwanamke mmoja, Aida Nakawala 25 mkazi wa kijiji cha Chiwanda Wilaya ya Momba Mkoa wa Mbeya, hivi karibuni alijifungua watoto wanne  mapacha kwa mkupuo(Quadliplets) katika usiku wa kuamkia Mwaka mpya anaendelea vizuri.

Mwanamke huyo ambaye kwa hivi sasa anaendelea na matibabu katika Hospitali ya Wazazi ya Meta akiwa na watoto wake wote wanne alijifungua majira ya saa 10 alfajiri usiku wa kuamkia Januari Mosi Mwaka huu katika Hospitali ya Wilaya ya Mbozi na watoto wakiwa na uzito wa kawaida tofauti na matarajio ya Wengi.

Kwa mujibu wa Muguuzi wa Hospitali ya Wilaya ya Mbozi aliyemfanyia huduma mwanamke huyo, Grace Konga alisema mzazi huyo ni miongoni mwa wazazi 9 waliojifungua katika Mkesha wa Mwaka mpya huku yeye akivunja rekodi kwa kujifungua watoto wanne kwa njia ya kawaida.

Muuguzi huyo alisema watoto hao walizaliwa wakiwa na uzito uliotofautiana kwa mtoto  wa kwanza hadi wa mwisho kuanzia kilogramu 1.6,1.5,1.5  na  2.0 ambapo baada ya kuona hali hiyo ilibidi kumpa rufaa kwa ajili ya msaada zaidi katika Hospitali ya wazazi ya Meta ambapo wapo katika Chumba cha Joto hadi sasa.

Aidha kwa mujibu wa Muuguzi na msimamizi wa Watoto katika chumba cha Joto Sista Frolence Maisa amesema hali za watoto ni nzuri ambapo mama mzazi anahitaji kupatiwa vyakula vinavyoweza kumuongezea maziwa mengi kutokana na idadi ya watoto aliyonayo.

Alisema kwa hivi sasa watoto wananyonya vizuri amb  po maziwa yakipungua kwa mama itahitajika msaada wa maziwa ya Kopo aina ya Laktojeni ili watoto waendelee kupatiwa maziwa kama kawaida na afya zao kuimarika.

Kwa upande wake Mzazi wa watoto hao Aida Nakawala alisema hali yake kiuchumi siyo nzuri kuweza kumudu kuwalea watoto hao na kuongeza kuwa mume wake ni mkulima aliyemtaja kwa jina la Web Simkanda hivyo anaomba msaada wa hali na mali kutoka kwa wasamaria wema.

Alisema huo ni uzao wake wanne ambapo mtoto wake wa kwanza anaumri wa miaka saba, anayefuata ana miaka miwili na miezi tisa huku mwingine akiwa amefariki dunia mara baada ya kujifungua kabla ya uzao huu unaofanya kuwa na watoto Sita.

Alipoulizwa kuhusu kuwepo kwa hali kama hiyo ya kujifungua watoto zaidi ya mmoja katika familia yao alisema Mama yake mzazi amewahi kujifungua mapacha wawili tu na hakuna mtu mwingine aliyewahi kuzidisha idadi hiyo ya watoto kama yeye.

Hata hivyo kutokana na kuguswa kwa  mahitaji ya binti huyo na wanawe kikosi cha blog ya Mbeya yetu ambacho kilifika kumju ulia hali kiliguswa na hali hiyo na kujitolea kamsaada kadogo hivyo kuwaomba wadau wengine kumsaidia mama huyo ili aweze kuwalea vizuri watoto wake.

Read More

MOTO WA AJABU WAZUKA USIKU WA KUAMKIA LEO HUKO JIJINI MBEYA

Moto mkubwa umezuka katika hotel ya Janco forest mpya jijini Mbeya chanzo cha moto hakijajulikana mpaka tunaondoka katika tukio hilo

Read More