DADA YAKE DIAMOND PLATNUMZ "ESMA" NA PETIT MAN WAKUACHE, PICHA HIZI HAPA WAKIDENDEKA

  Ni habri mpya ya mjini kwa sasa,ndoa ya Dada wa Diamond na kipenzi wa Wema petiti man wakuache,amabapo uhusiano wao ulioanza kama utani hatimae  umezalisha kile amabcho wengi hawakukitgemea kama kingekuwa mapema hivi...Tunawatakia maisha mema ya ndoa na barka tele

Read More

MSANII BONGO FLEVA ANASWA NA MA-MISS WAKIPIGA PICHA ZA UTUPU HUKU AKIWACHEZEA SEHEMU NYETI, SOMA HABARI HII HAPA

Msanii wa kitambo wa Bongo Fleva aliyewahi kutamba na Kundi la Chamber Squad na ngoma yake ya taifa ya Kama Vipi, Moses Bushagama ‘Mez B’ anadaiwa kuwaaibisha ma-miss kwa kuwalazimisha kupiga nao picha wakiwa watupu.

Msanii wa kitambo wa Bongo Fleva wa Chamber Squad Moses Bushagama, ‘Mez B’ akijiachia na 'totoz' fukweni.

Tukio hilo la kidhalilishaji na lisilovumilika lilijiri juzikati kwenye Ufukwe wa Mikadi uliopo Kigamboni jijini Dar muda mfupi baada ya jamaa huyo ‘kushuti’ video ya ngoma yake mpya ya Shemeji.
Kwa mujibu wa chanzo chetu, jamaa huyo aliwafuata warembo hao waliojitambulisha kwa majina ya Vicky na Rebecca waliokuwa kwenye swimming pool (bwawa la kuogelea) ambao ilisemekana kuwa siyo raia wa Bongo na huko wanakotokea ni ma-miss.
Ilidaiwa kwamba Mez B ndiye aliyewaomba kupiga nao picha lakini jamaa huyo ‘akaharibu’ baada ya kwenda mbele zaidi na kuanza kuwaminya ‘vifuu’ vyao kifuani vilivyoonekana ni vya saa sita vilivyokuwa wazi bila hata ‘braa’.

Mmoja wa ma-miss hao akiwa mtupu sehemu kubwa tu ya mwili wake.

Ilisemekana kwamba baada ya kupiga picha hizo, yeye (Mez B) aliwafowadia washikaji zake ndipo zikazagaa kupitia mtandao wa WhatsApp.
“Hawa wasanii wetu kweli ni majanga. Ona Mez B alichokifanya na hawa mabinti. Yaani wapo kama walivyozaliwa lakini yeye yupo freshi na nguo zake. Kama siyo kudhalilishana ni nini! Amewaaibisha sana. Lakini na wao hawakuona?” alihoji mrembo mmoja aliyefowadiwa  picha hizo na rafiki yake kwenye WhatsApp.
Baada ya kuzitia picha hizo kibindoni, gazeti hili lilimtafuta Mez B kisha kumbana kuhusu tukio hilo ambapo alijitetea kwa ufupi:“Wale ma-miss walikuwa wanaogelea vifua wazi kwa muda mrefu. Wao ndiyo walioniomba kupiga nao picha.”
Kumekuwa na kasumba ya kupiga picha za utupu kisha kuziachia mtandaoni kwa kudhani kuwa ni kujiongezea umaarufu lakini ukweli ni kujiondolea utu na heshima mbele ya jamii.

Read More

ANT EZEKIEL AENDELEZA UMALAYA WAKE, WANASWA AKIWA KIMAHABA NA KASSIM NCHINI MAREKANI

Wakati mumewe Sunday Demonte akidaiwa kuwa yuko mbioni kuhukumiwa kwenda jela huko Dubai, staa wa Bongo Movies, Aunt Ezekiel Grayson amenaswa laivu kimahaba nchini Marekani akiwa na msanii wa muziki wa Kizazi Kipya, Kassim Mganga.

Staa wa Bongo Movies, Aunt Ezekiel Grayson amenaswa laivu kimahaba nchini Marekani akiwa na msanii wa muziki wa Kizazi Kipya, Kassim Mganga.

Wakati anaondoka nchini hivi karibuni, Aunt alionekana kwenye Uwanja wa Ndege wa Kimataifa wa Julius Nyerere jijini Dar, akiwa na mwanaume ambaye anadaiwa kuwa ni mume wa mtu, Moses Iyobo ‘Moze’.Baada ya habari hiyo kuripotiwa na gazeti tumbo moja na hili, Ijumaa Wikienda, Septemba 15, mwaka huu, ilidaiwa kwamba ndugu wa mumewe, Sunday hawakufurahishwa na kitendo hicho.

Wakipata msosi.

“Tunashangaa kumuona Aunt ameambatana na mume wa mtu na huko anakoenda pia tunasikia watakuwa wawili tu na Kassim, inatutia shaka kwa kweli,” alisema mmoja wa ndugu wa mume kwa sharti la kutoanika jina lake.
Kwa mujibu wa chanzo chetu kilichopo nchini Marekani, wawili hao walitia maguu hivi karibuni kwa mwaliko maalum wa Ubalozi wa Tanzania nchini humo ambapo Kassim alipewa nafasi mbili hivyo akaamua kumchukua Aunt.

Msanii wa muziki wa Kizazi Kipya, Kassim Mganga.

“Kassim aliambiwa atafute kampani ya kuja nayo huku ndipo akaona Aunt anafaa kwa kuwa mwenyewe amedai ni mtu wake wa karibu,” kilisema chanzo hicho.
Chanzo hicho kilizidi kumwaga data kwamba, baada ya wawili hao kufika nchini humo, walipanga katika hoteli moja kisha kuanza kujiachia kwenye viwanja tofautitofauti wakila bata ndani ya Jiji la New York.

Staa wa Bongo Movies, Aunt Ezekiel Grayson.

Baada ya mwanahabari wetu kunasa mchapo huo, alimtafuta Aunt kupitia WhatsApp hakupatikana, bahati nzuri Kassim alipatikana na kusema:“Tumekuja kwa mwaliko wa ubalozi wetu, Aunt ni mshkaji wangu kwa hiyo usishangae sana nikila naye bata,” alijibu Kassim.

Read More

VIMINI VYASABABISHA DIDA KUSHINDWA KUFANYA KAZI IKULU, SOMA ZAIDI HAPA

MTANGAZAJI wa Kipindi cha Mitikisiko ya Pwani kinachorushwa kupitia Radio Times, Hadija Shaibu ‘Dida’ amefunguka kuwa kamwe hawezi kufanya kazi Ikulu kutokana na vimini anavyovitinga.

Mtangazaji wa Kipindi cha Mitikisiko ya Pwani wa Radio Times, Hadija Shaibu ‘Dida’.

Akizungumza na Amani, Dida, alisema kuwa anafurahia sana kazi anayofanya kwa sababu inamruhusu kuvaa nguo yoyote anayojisikia vikiwemo vimini.

“Kufanya kazi Ikulu ningeshindwa kwani kuvaa nguo ni kwa sheria, huwezi kujivalia tu, kazi yangu nipo huru naweza kuvaa kitu chochote kile nikajisikia nina amani, lakini Ikulu lazima utinge koti na kuchomekea,” alisema Dida.

Read More

LAANA YA KANUMBA YAIMALIZA BONGO MUVI, ISOME HAPA

IMEVUJA! Kuvunjika kwa Kundi la Bongo Movie Unity kumedaiwa kuwa ni laana ya aliyekuwa memba hai wa kundi hilo, marehemu Steven Kanumba kutokana na kumnyanyapaa enzi za uhai wake, Ijumaa linakupa mchapo kamili.

Marehemu Kanumba.

TUJIUNGE NA CHANZO
Kwa mujibu wa chanzo makini, Kanumba alikuwa ni miongoni mwa waasisi wa kundi hilo lakini kabla hajafa, yaliibuka majungu ambayo yalimsababisha ajiengue na kususia kundi hilo huku akiwa na kinyongo moyoni.

Wakilia juu ya kaburi la marehemu Kanumba.

“Kanumba hakufurahishwa na majungu yaliyokuwa yakiendelea ndani ya klabu dhidi yake, akajiapiza kwamba hatakaa akashiriki masuala ya kundi hilo hadi pale wahusika watakapojisafisha.
“Wakati sisi tukipanga yetu, Mungu naye anapanga yake. Kanumba alifariki wakati ambao wasanii waliomsukia majungu hayo hawajajisafisha, kama si kumuomba msamaha,” kilisema chanzo.

Staa wa filamu Bongo, Jackline Wolper.

KATIBU ASAKWA
Baada ya kunyaka maelezo hayo ya chanzo chetu, mapaparazi wetu walianza kuwatafuta waliokuwa viongozi wa klabu hiyo na kufanikiwa kumpata aliyekuwa katibu msaidizi, Devotha Mbaga, ambaye alikiri kwamba klabu hiyo ina laana ya Kanumba.
HUYU HAPA DEVOTHA
Akizungumza kwa hisia kali maeneo ya nyumbani kwake Kigamboni, jijini Dar, Devotha alisema mgogoro unaoendelea ndani ya kundi hilo ambalo linapumulia mashine baada mwenyekiti wao, Steven Mengere ‘Steve Nyerere’ na katibu wake, William Mtitu kujiuzulu ni laana ya Kanumba hivyo wanatakiwa kuomba radhi kaburini kwake.

Staa katika tasnia ya filamu Bongo,Wema Sepetu.

Alisema enzi za uhai wa Kanumba baadhi ya wasanii ambao wanagombana chini kwa chini kwa sasa ndani ya kundi hilo (majina yapo), walimnyanyapaa na walikuwa wakimchukia na kufikia hatua ya kuwakataza wanachama wote kutoshiriki kwenye filamu zake.
“Ukweli baadhi ya wasanii hasa hao viongozi wanatakiwa kutambua makosa waliyomfanyia Kanumba enzi za uhai wake na wamuomba msamaha kwani walimkosea sana na wakishaomba, naamini Bongo Movie itasimama lakini wasipofanya hivyo hiyo laana itaendelea kuwatesa na watapigana kila siku.
“Yaani kuna wakati hadi huwa nafikia hatua ya kusema bora Kanumba alikufa mapema yawezekana Mungu alikuwa na kusudi lake maana angeaibika na angeonekana ni mtu asiyefaa katika jamii kutokana na mikakati ambayo wasanii wenzake walikuwa wameipanga,” alisema Devotha.

Aliyekuwa mwenyekiti wa Bongo Movie Unity, Stive Mengere.

KUMBE WALIWAHI KUKAA KIKAO
Kama hiyo haitoshi, katika aya nyingine, Devotha alisema kuna wakati waliwahi kuweka kikao cha kusameheana kilichoandaliwa na Ridhiwan Kikwete ambaye sasa ni Mbunge wa Chalinze kwa tiketi ya Chama cha Mapinduzi (CCM) lakini mambo bado yakawa ‘shagala baghala’.
“Nakumbuka kwenye kikao kimoja ambacho aliitisha Ridhiwan Kikwete kwa ajili ya wasanii na kusema kama kuna mtu amemkosea mwenzake wasameheane baada ya kuongea na sisi na kuondoka, watu walianza kuongea maneno mabaya ya kashfa na hapo ndipo walipopanga mikakati ya kumchafua na kutofanya kazi na Kanumba lakini baada ya siku chache alifariki.

Staa katika tasnia ya filamu Bongo, Vincent Kigosi 'Ray'.

“Hao wanaogombana sasa hivi ndiyo walikuwa vinara katika kumnyanyapaa Kanumba na ndiyo haohao siku ya mazishi yake ndiyo waliobeba jeneza, msalaba na kuvaa suti wakati walikuwa hawako naye vizuri, unajua roho huwa haifi kwa hiyo wanatakiwa kuomba msamaha ili wawe na amani,” alisema Devotha.
NI LAANA NZITO?
Kwenye mazungumzo hayo na waandishi wetu, Devotha aliendelea kutiririka kuwa kutokana Kanumba kufariki dunia akiwa na kitu moyoni kuna uwezekano mkubwa kwamba kuna kitu alikizungumza muda mchache kabla hajafariki au kuwa na kinyongo na Bongo Movie hivyo wasanii hao wanatakiwa kwenda kuomba msamaha kaburini kwake ili kundi hilo lisimame tena.

Staa katika tasnia ya filamu Bongo Dk. Cheni.

WAOMBA RADHI KIMYAKIMYA
Uchunguzi wa gazeti hili umebaini kwamba kuna baadhi ya wasanii wamedaiwa kuanza kwenda kaburini hapo kimyakimya na kuomba radhi ili kundi lao lirudi kwenye mstari kama lilivyokuwa enzi za marehemu Kanumba.
“Tumeona hali ni mbaya bora twende vinginevyo mambo yataharibika zaidi ya hapa,” alisema msanii mwenye taito kubwa ndani ya Bongo Movie kwa sharti la kustiriwa jina.
WENGINE KUOMBA RADHI
Ijumaa lilizungumza na baadhi ya wasanii kwa sharti la kutotaja majina yao ambao walikiri kwamba mambo hayaendi sawa kutokana na laana ya Kanumba hivyo wako mbioni kwenda kuomba msamaha katika kaburi lake wakiamini uliokufa ni mwili roho ingali hai.
KUMBUKUMBU
Marehemu Kanumba alifariki dunia Aprili 7, 2012 nyumbani kwake, Sinza-Vatcan akiwa na aliyekuwa mpenzi wake, Elizabeth Michael ‘Lulu’. Alizikwa katika Makaburi ya Kinondoni jijini Dar. 

Read More

DOKII AMPA ASKARI RUSHWA YA BUSU, MKASA MZIMA HUU HAPA

'Dokii' akitoa rushwa ya busu kumlainisha 'askari wa city'.

Mwigizaji wa kitambo na mwimbaji wa muziki wa Kizazi Kipya, Ummy Wenslaus 'Dokii' anadaiwa kutoa kali ya karne baada ya kumpa askari wa jiji rushwa ya busu, Ijumaa lina mkanda kamili.

Mwigizaji wa kitambo na mwimbaji wa muziki wa Kizazi Kipya, Ummy Wenslaus 'Dokii' akiomba ruksa ya kusepa na gari kutoka kwa askari wa jiji (city parking).

Tukio hilo ambalo gazeti hili lina picha za mnato na video lilijiri kwenye Makutano ya Mtaa wa Narung’ombe na Swahili, Kariakoo jijini Dar, asubuhi ya saa 4:00, Septemba 15, mwaka huu.
Kwa mujibu wa ‘shushushu’ wetu, Dokii alipaki ‘vibaya’ gari alilokuwa nalo aina ya Toyoya Noah la rangi nyeusi ambapo alifuatwa na kuambiwa kwamba sehemu aliyopaki hairuhusiwi.
Ilisemekana kwamba alitumia ‘ustaa’ wake kuwapuuza akaingia kwenye maduka na kuendelea na ‘shopping’ zake.Ilidaiwa kwamba aliporudi na kutaka kuondoka, alikuta mkoko huo umefungwa mnyororo na vyuma kwenye tairi la nyuma na askari wa jiji (city parking) hivyo akashindwa kutimua.
Ilielezwa kwamba baadaye alifuatwa na mkuu wa askari hao almaarufu kwa jina la Masai ambaye alimwambia kuwa alitakiwa kutoa faini ya shilingi elfu hamsini.
Iliendelea kudaiwa kwamba huku akidhani watu hawamjui alilianzisha na askari hao na kuanza kuzozana.
Muda mfupi baadaye ilijitokeza kadamnasi ambayo ilikuwa ikimzomea ndipo akakimbilia dukani kwa mwanaume aliyetajwa kwa jina moja la Chid.

'Dokii' akitoa namba ya simu kumlainisha askari huyo.

Ilidaiwa kwamba mwanaume huyo alimpatia msanii huyo shilingi elfu tano ili awapoze askari hao huku akimuombea wamfungulie gari aondoke lakini jamaa hao waliikataa.
Ilielezwa kwamba baada ya kuomba sana askari hao walikubali kumwachia baada ya kummwagia kiongozi wao mabusu ya kimahaba hadharani, kisa tu hakuwa na fedha ya kulipa faini.
Ilidaiwa kwamba baada ya kumlainisha jamaa huyo kwa mabusu motomoto na kufutiwa shitaka, aliachiwa huru bila kutoa chochote huku askari aliyeonjeshwa ‘utamu’ akibaki na mfadhaiko huku akiomba namba ya simu.

Askari wa 'city' akimruhusu 'Dokii' kuondoka eneo la tukio  mara baada kuchukua namba ya simu.

Ilisemekana kwamba ili kuua msala, msanii huyo alimpatia namba ya simu kisha akatoka nduki.
Ni rushwa? Kutoa kitu ili kununua haki kama alivyofanya Dokii ya kutoa busu ili aachiwe, nayo ni rushwa pia.Jitihada za kumpata Dokii ili kuzungumzia mkasa huo hazikuzaa matunda kufuatia simu yake ya kiganjani kuita bila kupokelewa hivyo jitihada zinaendelea. Stay tune!

Read More

AUNT EZEKIEL, HIVI KWELI WEWE NI MKE WA MTU, NA KWA NINI UNAPENDA WAUME ZA WATU?

NIMEWAHI kuzungumza mara kadhaa katika safu hii kuhusu huyu binti, mtoto wa nguli wa zamani wa soka Tanzania, Ezekiel Greyson ‘Jujuman’, aliyevuma sana akiwa na Simba. Anaitwa Aunt Ezekiel, staa wa filamu za Kibongo!
Nilisema kuwa katika tasnia ya filamu, ni muigizaji mzuri kwa kupamba sinema kutokana na uzuri wa sura na umbo lake, lakini katika wasanii wanaotakiwa kwa weledi na viwango, bado ni mtu wa kati, ingawa akiwa makini zaidi katika kazi yake, anaweza kuja juu!
Aunt, kama walivyo wasanii wenzake wenye majina, anavuma zaidi nje ya fani kuliko ndani. Wakati waigizaji kama Natasha, Aisha, Monalisa na Nora enzi zao walivuma kutokana na uwezo wao katika kazi wakiwa na makundi yao runingani, kizazi cha kina Aunt Ezekiel kinatikisa anga kikiwa katika kumbi za starehe na kwenye mikusanyiko ya watu!
Leo nazungumza tena na Aunt, hasa baada ya kujiuliza kwa muda mrefu na kushindwa kupata jibu, la kama muigizaji huyu yupo katika ndoa au alishaachika tena. Kumbukumbu zinaniambia aliwahi kuishi kwa kupika na kupakua na mtoto mmoja wa mjini, Jack Pemba na baadaye Hartman Mbilinyi kabla ya ndoa yake ya mwisho akiwa na Sunday Demonte.
Ingawa ni vigumu kuthibitisha, lakini ushahidi wa mazingira unaonyesha Aunt Ezekiel ni mmoja wa waigizaji wa kike ambao hawajatulia. Msanii huyu anadai yupo katika ndoa na mumewe Demonte, ambaye anaelea katika uvumi kwamba huko aliko, yupo matatizoni.
Ni kipindi kirefu tokea mumewe alipoondoka nchini kuelekea Ughaibuni. Sipendi sana kumuongelea yeye kwa sababu hayo ni masuala ya kibinafsi, lakini hili la Aunt linanipa ugumu kidogo kulikalia kimya.
Aunt anadaiwa kutoka kimapenzi na bwana mdogo mmoja mcheza shoo wa Diamond, anayeitwa Moses Iyobo. Mapenzi yao yalianza kwa siri, lakini wenyewe mara kadhaa kwa nyakati flani wamewahi kunukuliwa wakisema kuwa hawaachani ng’o!Iyobo anadaiwa pia kuwa na mke, ambaye aliwahi hata kuleta kasheshe kubwa baada ya kubaini uhusiano huo.
Ninajiuliza, Aunt ameolewa, shemeji na wifi zake wapo hapahapa mjini, inakuwaje anafanya mambo hadharani namna hii?Anyway, huenda basi hayo ni mambo ya familia, wanajuana wenyewe, lakini kwa jamii inayomtazama huyu binti, hasa watoto, anaifundisha nini kuhusu maisha ya ndoa?
Kwamba unaweza kumuacha mumeo Mwanza, ukaja Dar es Salaam na kutanua tu ovyo na waume wa wenzio? Huenda, kama ni kweli kwamba mumewe yupo matatizoni, kama binadamu anaweza kujikuta akiwa na mahitaji ya kimaumbile.
Kama ni hivyo, sasa kuna tatizo gani kufanya kwa siri? Watu kibao tu wanafanya michepuko nje ya ndoa, lakini si wanafanya kwa kujificha ili kulinda heshima ya familia zao?
Lipo tatizo la msingi ambalo linapaswa kurekebishwa na huyu dada haraka. Kama ametengana na mumewe, aweke hadharani ili kupunguza maswali haya, kwa vile mashabiki wake na wale wa fani yake kwa jumla, wajifunze nini kwake, kwamba unaweza kuolewa au kuoa na wakati huo huo ukawa huna hofu na penzi lingine?
Hapana, huu ni uhuni usiokubalika. Kuoa au kuolewa kunamaanisha ni mwisho wa maisha yako ya kutangatanga kingono, umeamua kutulia kwa mmoja umpendaye. Kama alikuwa bado hajatosheka kwa nini alijiongopea?
Jambo lingine la kumshauri ni kuwa umri unasogea, asije kujikuta anazeeka na ujana bado haujamwisha, kwa sababu kwa jinsi anavyoyaendesha maisha yake, ni kama vile nayo anaigiza kama anavyofanya kwenye filamu!

Read More

LUNGI ETI ASIPOVAA KIHASARA, HASIKII RAHA

Lungi Mwaulanga akiwa kwenye pozi.Msanii wa filamu, Lungi Mwaulanga ametoa kali baada ya kusema kuwa, bila kuvaa nguo zinazoanika baadhi ya sehemu zake ‘muhimu’ hasikii raha.

Msanii wa filamu bongo,Lungi Mwaulanga.

Akipiga stori na gazeti hili, Lungi alisema kutokana na hali ya joto ya Jiji la Dar, kuvaa nguo nyingi mwilini ni sawa na kujipa karaha hivyo hulazimika kuvaa vivazi vya kisasa zaidi.
”Najua kuna ambao wanakereka na uvaaji wangu lakini nadhani hawana sababu ya kukereka. Napenda kuvaa ninavyojisikia kwa hiyo hata nikivaaje, ni mimi na maisha yangu,” alisema Lungi.
ODAMA: NAANZAANZAJE KUMFICHA BWANA’NGU?
Stori: Rhoda joSIAH
Mwanadada anayeuza nyago kwenye filamu za Kibongo, Jennifer Kyaka ‘Odama’ amekanusha tuhuma ya kumficha mwandani wake na kufunguka kuwa, marafiki na familia yake wanamjua hivyo haoni sababu ya kumfanya kila mtu amjue.
Odama alikuwa akizungumzia madai ya kumficha mwanaume aliyezaa naye huku baadhi wakisema, hataki mtu yeyote amjue kwani ni mume wa mtu.
“Hivi naanzaanzaje kumficha mwandani wangu? Halafu nimfiche ili iweje? Ndugu na marafiki zangu wanamjua, wasiomjua wawe na subira, kila jambo lina wakati wake,” alisema Odama ambaye juzikati alinaswa akiwa ‘very close’ ukumbini na mwanaume aliyefahamika kwa jina la Daudi ambaye ni mume wa mtu.

Read More

ANTI EZEKIEL ATUPIA PICHA AKIWA NA DOGODOGO FARAGHA, TAZAMA HAPA

Read More

JIDE NA GARDNER SASA PAKA NA PANYA

PAMOJA na kutumia nguvu nyingi kukanusha kwenye mitandao kwamba ndoa yao haijavunjika, mtangazaji mahiri Bongo, Gardner Gabriel Habash ‘G. Habash’ na ‘mtalaka’ wake, Judith Wambura Mbibo ‘Jide’, Jumamosi iliyopita walifanya tukio lililowashangaza watu kufuatia kila mmoja kuingia ukumbini akiwa na kampani yake na kukwepana kama paka na panya, Amani liliwanasa kwa vile lilikuwepo.

Mtangazaji mahiri Bongo, Gardner Gabriel Habash ‘G. Habash’ akiwa na Miss Mara 2000, Rashida Wanjara.

Tukio hilo lililoamsha minong’ono kwa watu waliosoma mchezo mzima, liliibukia ndani ya Ukumbi wa Ten Lounge (zamani Business Park) uliopo Makumbusho, Kijitonyama jijini Dar es Salaam ambako kulikuwa na uzinduzi wa albamu ya Bongo Fleva.
WALIVYOKAA
Katika hali isiyokuwa ya kawaida, Gardner alipoingia alikwenda kukaa kwenye meza na watu wengine watatu,  baadaye akafika Miss Mara 2000, Rashida Wanjara na kuunga ambapo walikuwa wakibadilishana mawazo na kufunguliana vinywaji kwa meno na kumiminiana kwenye glasi.
JIDE NAYE
Wakati Gardner ambaye pia hujulikana kwa jina la utani la Kapteni akiendelea kujipoza na Rashida na wengine, Jide yeye alikaa meza moja na kijana mmoja aliyevalia shati la kitenge la mtindo uliowahi kutamba miaka mitano nyuma, wengine huita Mackezie sanjari na wadada wawili.

WALICHOTAKA WATU
Baadhi ya watu walisikika wakishauri kwa sauti ushauri ambao haukuwafikia wawili hao ambapo walisema kama kweli ndoa hiyo haijavunjika, ni vyema Jide angeenda  kwenye meza aliyokaa Gardner na kusema chochote kisha kuondoka hali ambayo hakuwepo.

‘Mtalaka’ wa Gardner, Judith Wambura Mbibo ‘Jide’ (kulia) akijaribu kukwepa kamera za Global.

PAKA NA PANYA!
Mtu mmoja aliyekuwa amehudhuria shughuli hiyo na mkewe, alimuita paparazi wetu na kumuuliza: “Kwani, Jide na Gardner sasa ni paka na panya?”
Mwandishi: “Kivipi?”
Mtu: “Namwona Jide yuko na kampani yake, Gardner naye na kampani yake kule. Unajua paka na panya ni vigumu kukutana! Hawa kweli hawapo sawasawa,” alisema mtu huyo alijitambulisha kwa jina la Yahya.
Akaendelea: “Unajua ninavyojua mimi, Gardner ni kijana mpole sana, mwenye upendo, ila Jide ni mkali. Halafu kwa sababu yeye Jide ana pesa naamini alitaka kumpandia kichwani mumewe wakati anajua yeye ni kichwa cha nyumba. Pesa na ndoa mambo mawili tofauti.”
WAWINDWA NA KAMERA
Muda mwingi paparazi wetu aliwavizia Gardner na Rashida na kufanikiwa kuwafotoa picha kadhaa lakini kimbembe kilikuwa kwa Jide ambaye alionekana kuwa makini na kukwepa kamera ya paparazi wetu mara kadhaa huku akionekana kuwa na hasira na kuna muda meza yake iliparaganyika baada ya mwanga wa kamera kuwamulika yeye na kampani yake.

ANGALIA HII
Katika hali iliyodhihirisha wawili hao hawako sawasawa, muda f’lani Gardner aliinuka na kuelekea upande aliokaa Jide ambapo mwanamuziki huyo naye alionekana kama kutaka kukimbia na kumfanya Gardner kubadili mwelekeo wa safari yake.

Gardner akiendelea kufatilia jambo.

KUNA HII PIA
Mmoja wa mashuhuda aliyekuwa ukumbini hapo naye alimwambia paparazi wetu kuwa, aliwaona wawili hao wakikwepana baada ya kukutana kwenye njia ya kuelekea maliwatoni.
GARDNER AZUNGUMZA NA AMANI
Juzi, Amani lilimtafuta Gardner kwa njia ya simu na kumuuliza ni kwanini yeye na Jide kila mmoja aliingia ukumbini na kampani yake.Gardner: “Kaka, yeye (Jide) alikwenda pale kumpa tafu yule aliyekuwa akizindua albamu yake pale. Sasa isingekuwa rahisi tugandane pamoja kila wakati. Lakini hayo unayoniambia ni madai tu.”
TUJIKUMBUSHE
Hivi karibuni, ndoa ya wawili hao iliripotiwa kuvunjika na kila mmoja kushika njia yake huku Gardner akiwa anakanusha mara kwa mara kwamba ndoa ipo imara. Jide naye amekuwa akiweka kwenye mtandao wa Instagram picha yake yenye kidole cha pete ya ndoa bila maelezo!! Ni shiida!

Read More

UKWELI KUHUSU HABARI YA DIVA KUTAMKA ZITTO NI MUME WAKE, HUU HAPA

KATIKA Gazeti la Amani Toleo Namba 829 la Septemba 11-17, 2014, kulichapishwa habari ukurasa wa mbele iliyosomeka: “DIVA: ZITTO NI MUME WANGU.” Ikikolezwa na dondoo ‘Adai ni mke anayetambulika kisheria’ na ‘Asema hayuko tayari kuachana naye kirahisi,’ ambayo uongozi wa gazeti umekusudia kwa nia njema kutoa ukweli juu ya habari hiyo.

Loveness Malinzi (Diva).

Ufafanuzi huu unalenga kumaliza mkanganyiko uliojitokeza hasa baada ya kuwepo kwa madai kutoka kwa mhusika ambaye ni Loveness Malinzi (Diva) kuwa, hakuzungumza na gazeti kile kilichoandikwa na kwamba alikuwa anazushiwa; madai haya aliyawasilisha chumba cha habari kwa njia ya simu na sehemu kuyaweka kwenye ukurasa wake wa kijamii wa Instagram.
Kama hilo halitoshi, Diva alikana kuzungumza na mwandishi wa habari hiyo  ambapo alisema mazungumzo yao yalihusu mwaliko wa Kipindi cha Global TV Online ambacho kinarushwa na mtandao unaoendeshwa na Kampuni ya Global Publishers inayomiliki pia Gazeti la Amani na si vinginevyo.
Malalamiko haya ya Diva yalikuja muda mchache baada ya gazeti kutoka likiwa na habari hiyo ambapo jopo la wahariri wa Amani kabla ya kuchapisha habari hiyo walijiaminisha kuwa ni ya kweli kutokana na taarifa pamoja na vielelezo vya rekodi ya sauti ya mazungumzo alivyoviwasilisha mwandishi kwenye dawati kuthibitisha kuwa alifanya mazungumzo na mhusika kuhusiana na msingi wa habari nzima iliyoandikwa.

Mheshimiwa Zitto Kabwe Mbunge wa Kigoma Kaskazini.  

Kama tulivyoeleza, baada ya habari hiyo kutoka na kipande cha sauti kuingizwa  kwenye Tovuti ya Global Publishers, ndipo yalipoibuka madai hayo huku baadhi ya wasomaji wakieleza kuwa ile siyo sauti ya Diva; hapo ndipo uongozi wa gazeti ulipoamua kufuatilia ukweli na kubaini yafuatayo.
Pamoja na ukweli kuwa Mheshimiwa Zitto Kabwe (Mbunge wa Kigoma Kaskazini) na Diva wana ukaribu, mazungumzo kati ya mwandishi na mwanadada huyo kuhusiana na kauli yake ya: “Zitto ni Mume Wangu,” hayakufanyika na kwamba mwandishi alipika habari na kutengeneza sauti ya Diva kwa lengo la kuwahadaa wahariri kwa nia mbaya!
Kwa msingi huo sisi kama chombo cha habari makini, kinachosimamia weledi, kulinda na kuheshimu haki za binadamu; tunachukuwa nafasi hii kumuomba radhi Diva, Mheshimiwa Zitto, sanjari na jamii kwa ujumla kwa usumbufu wowote uliosababishwa na habari hiyo.
Aidha, uongozi unapenda kuutangazia umma kuwa, hatua kali za kinidhamu zimeshachukuliwa dhidi ya mwandishi husika sambamba na onyo kwa viongozi wote wa gazeti kwa udhaifu uliojitokeza katika habari hiyo.
Tunaomba jamii ielewe kwamba Global Publishers siku zote inasimamia UKWELI na kamwe hairuhusu kabisa habari za uongo kuandikwa katika magazeti yake.
Jamii iendelee kutuamini na kushirikiana nasi katika kusimamia weledi wa uandishi wa habari. Milango ya kukosolewa iko wazi, hivyo kwa mwenye malalamiko yoyote juu ya habari zetu, iwe ni uongo au kutotendewa haki, asisite kuwasiliana na viongozi kwa hatua zaidi. Ndimi, Mhariri Kiongozi, Magazeti Pendwa.

Read More

WEMA NA MENINA SASA KUMGOMBEA DIAMOND PLATINUMZ...SOMA MWENYEWE HAPA!

Stori ambayo Soudy Brown amei amplify kupitia You heard ya leo Aug 12 ni kuhusu uhusiano wa Diamond Platnumz na Meninah ambye inasemekana wanatoka,Soudy Brown kaongea na Meninah.

Read More

MCHUNGAJI AKERWA NA LAANA ZA ANTI LULU

Yapo madai kwamba, Mchungaji Christopher ambaye ni msaidizi wa Kanisa la Tanzania Assemblies of God ‘TAG’, Kinondoni jijini Dar amekuwa akikerwa na tabia chafu anazozisikia za msanii Lulu Mathias Semagongo ‘Antu Lulu’.

Msanii wa filamu Bongo, Lulu Mathias Semagongo ‘Antu Lulu’ akiwa Global TV Online.

Utashangaa sana kwamba, hayo yalisemwa na Anti Lulu mwenyewe juzi alipozungumza na gazeti hili kuhusu maisha anayoishi kwa sasa.

Lulu alisema: “Jamani, kama ni kubadilika najitahidi. Hata Mchungaji Christopher wa TAG, Kinondoni kwa Mchungaji Swai amekuwa akiniambia nirudi kanisani akaniombee.

‘Antu Lulu’ akipozi.

Unajua yule ndiye aliyenilea kiroho nikiwa nasoma Sunday School pale, sasa anaposoma habari zangu anaumia, lakini sasa nimebadilika sana.”

Read More

NORA AMCHANA KAJALA NA KUMUAMBIA ANAJIONYESHA KWENYE FILAMU ILI APATE MABWANA TU NA WALA SIO MSANII

MWIGIZAJI kiwango enzi hizo Bongo, Nuru Nassoro ‘Nora’ aliyepotea kwa muda, ameibukia kwenye Runinga ya EATV na kumbutua staa wa mwenzake, Kajala Masanja kwamba, anatumia nafasi ya kuonekana kwenye filamu kujipatia wanaume kama si mabwana!

Staa wa filamu Bongo, Kajala Masanja.

Akizungumza kupitia Kipindi cha Mkasi kinachoratibiwa na Mtangazaji Salama Jabir, Jumatatu iliyopita, Nora alisema fani ya uigizaji imevamiwa kwa sasa kwani kuna watu ambao wanaingia kwenye gemu ili wauze sura na kuonekana na wanaume wapate ‘soko’ kiulaini.
Aliongeza kuwa, watu hao kupitia vitendo hivyo wamekuwa wakiichafua tasnia kiasi cha wote kuonekana hawafai (samaki mmoja akioza, ni wote).
Nora alikwenda mbali zaidi alipoulizwa na Salama ni nani na nani hawafai na nani wanafaa, alishindwa kuwataja kwa majina moja kwa moja lakini mtangazaji huyo akaomba ataje majina yeye kisha Nora aseme kama anafaa au hafai!
Salama: “Kajala.”
Nora: “Huyo hamna kitu.”
Salama: “Batuli.”
Nora: “Huyo pia hamna kitu.”
Salama: “Lulu.”
Nora: ”Huyo safi.”

Mwigizaji kiwango enzi hizo Bongo, Nuru Nassoro ‘Nora’.

Salama: “Mlela (Yusuf).”
Nora: “Huyo hamna kitu.”
Salama: “Steve Nyerere.”
Nora: “Huyo hamna kitu.”
Salama: “Hemed (Suleiman).”
Nora: “Hamna kitu hapo.”
Juzi gazeti hili lilimsaka Kajala kwa njia ya simu hakupatikana, lakini mmoja wa watu wake wa karibu alisema staa huyo ameshangaa sana Nora kutaka kurudi juu kwa kutumia jina lake.
“Kajala amezima simu, lakini kamshangaa sana Nora, alishazimika, sasa anaonekana anataka kuwaka tena kwa kutumia jina lake,” alisema mpambe huyo.

Read More

MAMA ABDUL AWAPONDA WANAOIBA KWENYE MISIBA

STAA wa filamu ya Kigodoro, Mama Abdul ‘Kantangaze’ hivi karibuni alitoa kali ya mwaka baada ya kuwacharukia wezi wa nyama misibani, hasa akina mama.

Staa wa filamu ya Kigodoro, Mama Abdul ‘Kantangaze’.

Mama Abdul alitoa kauli hiyo baada ya kuwaona akina mama wakidokoa nyama kwenye sahani za vyakula zilipokuwa zikipitishwa wakati wa msiba wa Mc Chimamy, eneo la Sinza jijini Dar es Salaam.
“Mnanisikitisha sana akina mama, hizi nyama mnazoiba leo, ipo siku nanyi mtaibiwa kwenye misiba yenu, kuweni na utu, nyama kitu gani watu tunalia nyie mnaiba nyama” aliwananga Mama Abdul. 

Read More

ODAMA AFUMWA LAIVU NA MUME WA MTU

MSANII nyota wa filamu za kibongo, Jennifer Kyaka maarufu kwa jina la kisanii kama Odama, usiku wa kuamkia Jumapili iliyopita alinaswa Live akiwa kwenye pozi la aina yake akiwa na pedeshee maarufu jijini Dar anayefahamika kama Papaa Daudi ambaye anadaiwa kuwa mume wa mtu.

Msanii nyota wa filamu za kibongo, Jennifer Kyaka Odama akiwa kwenye pozi la kimahaba na anayedaiwa kuwa ni mume wa mtu.

Wawili hao walinaswa wakiwa kwenye pozi hilo ndani ya Ukumbi wa Ten Lounge uliopo Makumbusho jijini Dar es Salaam ambapo Odama alikuwa akimdekea mwanaume huyo kama mtu wake wa karibu.
Wakiwa ukumbini humo, wawili hao walionekana kupata kiburudisho kwa namna yake huku mara kwa mara wakigonga ‘chiaz’ na kunyweshana mvinyo na kuwafanya waliokuwa karibu yao kuwaonea gere.

Akimnong'oneza jambo.

Licha ya macho ya watu kuonekana kuwatazama kwa muda mwingi, lakini wawili hao hawakumjali mtu bali waliendelea kuponda raha huku mikono ya mwanaume ikiwa haichezi mbali mapajani mwa Odama.

Baada ya kupata picha kadhaa za wawili hao, Paparazi wetu aliwasogelea na kuwauliza kama wao ni mtu na mwenza wake, lakini wakabeza na kumtaka awaache wale raha zao.Msanii nyota wa filamu za kibongo, Jennifer Kyaka.

“Aaaah jamani hebu tuacheni jamani nyinyi kila mkiona watu wanastarehe, mnaanza kuhisi ni wapenzi, hebu tuacheni jamani,” aliongea Odama huku akipata mvinyo.Papaa Daudi alipotakiwa kutoa neno, alisema:  “Nakuomba sana, we ndugu mwandishi, ntafute siku nyingine leo hatuna muda.”

Read More

UJINGA: NISHA AWACHEZEA WANAFUNZI POSTA

MWANADADA anayefanya poa katika tasnia ya filamu za Kibongo Salma Jabu ‘Nisha’ hivi karibuni alilazimika kuwachezea wanafunzi waliomtaka kufanya hivyo wakati wao wakimuimbia katika maeneo ya Posta, jijini Dar es Salaam.

Mwanadada anayefanya poa katika tasnia ya filamu za Kibongo Salma Jabu ‘Nisha’.

Akizungumza na gazeti hili, Nisha alisema aliteremka kwenye gari kwa ajili ya kuuliza sehemu aliyokuwa anataka kwenda, ghafla wakajitokeza vijana hao ambao ni mashabiki wake waliomtaka akate kiu yao.
“Ile kushuka ili niulizie sehemu nikashangaa kundi la wanafunzi limenivamia na kuanza kuniambia Nisha shuka huku wakiimba na kunitaka niwachezee, ikanibidi nifanye wanavyotaka baada ya hapo wakanielekeza nikaondoka, kiukweli nilifurahi na napenda sana kuona mashabiki zangu wakinipa sapoti,” alisema.

Read More

MCHUMBA WA SHILOLE AKATALIWA UKWENI, SABABU IPO HAPA

Mchumba wa staa wa Mduara Bongo, Zuwena Mohamed ‘Shishi Baby’, Naftari Mlawa ‘Nuh Mziwanda’ amejikuta katika wakati mgumu baada ya kukataliwa ‘ukweni’ kwao, Tabora.

Mchumba wa staa wa Mduara Bongo, Zuwena Mohamed ‘Shishi Baby’, Naftari Mlawa ‘Nuh Mziwanda’.

Tukio hilo lilijiri ndani ya Uwanja wa Ally Hassan Mwinyi mjini hapa wakati wawili hao walipokuwa wakipafomu kwenye tamasha la Serengeti Fiesta ndipo mashabiki waliposema hawamkubali Nuh na badala yake aolewe na DJ Zirro.
Wakati shoo ya wawili hao ikiendelea, Shilole alikatisha muziki kwa muda na kuwaambia mashabiki kupitia kipaza sauti wamwambie kama Nuh Mziwanda ana vigezo vya kuwa mumewe ndipo wakasema hapana na kumpendekeza DJ Zirro ambaye alikuwa akipiga muziki kwenye shoo hiyo.

Staa wa Mduara Bongo, Zuwena Mohamed ‘Shishi Baby’, akiwa na mpenzi wake Naftari Mlawa ‘Nuh Mziwanda’.

“Hatumtaki Nuh Mziwanda awe shemeji yetu, bora uolewe na DJ Zirro. Sisi ndiyo tumeamua hivyo,” alisikika mmoja wa mashabiki waliokuwa wakifuatilia burudani hiyo.
Kitendo hicho cha mashabiki kumkataa Nuh Mziwanda kilimfanya bwa’mdogo huyo ambaye naye anaimba muziki wa Bongo Fleva kujikuta akiropoka na kusema:“Kama mnadhani sina hela basi naomba nitoe mahari hapahapa,” alisema Nuh huku akiwatupia mashabiki kiasi kidogo cha fedha.
Pamoja na kufanya hivyo, bado mashabiki waliendelea kumkataa Nuh Mziwanda hadi aliposhuka jukwaani ambapo alionekana kukwazwa na jambo hilo kwani tokea aliposhuka alikosa raha kabisa.
Paparazi wetu alimfuata Nuh Mziwanda alipokuwa ameketi baada ya kushuka jukwaani na kumuuliza amejisikiaje kukataliwa ukweni, akafunguka:

Staa wa Mduara Bongo, Zuwena Mohamed ‘Shishi Baby’,

“Kusema kweli kuna muda nimejisikia vibaya ingawa hapohapo jukwaani nilijifikiria na kugundua kuwa ni gemu tu hivyo nimejifariji kwa kuona kama ni sehemu ya burudani tu,” alisema Nuh Mziwanda.

Read More

WEMA AZIMA JEURI YA KAJALA YA PESA

Wema akizidi kumwaga manoti kwa mwimbaji huyo.

FEDHA haina mwenyewe! Siku chache baada ya kudaiwa kuyumba kiuchumi kiasi cha kuzidiwa jeuri na aliyekuwa shosti wake, Kajala Masanja ‘K’, Beautiful Onyinye, Wema Sepetu ameibuka na kujibu mapigo kwa kumwaga ‘mafedha’ ukumbini, Risasi Mchanganyiko linashuka na mzigo kamili.

Wema akimwaga manoti kwa mwimbaji wa Skylite Band.

Tukio hilo lililowaacha watu midomo wazi lilichukua nafasi Ijumaa iliyopita katika Ukumbi wa Thai Village, Masaki jijini Dar kulipokuwa na sherehe maalum ya kuzaliwa kwa mwanzilishi wa vinywaji vikali vya Jack Daniel, Mr. Jack’s.
WEMA ALIUMIA MOYONI
Chanzo kilicho karibu na Wema, kilipenyeza habari kuwa, msanii huyo hakufurahishwa na kitendo cha watu kumuona kafulia kiasi cha kuzidiwa na K ambaye aliwahi kumlipia faini ya shilingi mil. 13 kumnusuru na kifungo cha miaka mitano jela.
KIFUNGO KILIKUWAJE?
Kajala alikuwa anakabiliwa na kesi ya kuuza nyumba iliyowekwa kizuizini na Taasisi ya Kuzuia na Kupambana na Rushwa (Takukuru) baada ya mumewe, Faraji Agustino kukumbwa na tuhuma za kutakatisha fedha haramu.
TUJIUNGE NA CHANZO
“Wema hakufurahishwa na kitendo cha watu kumsemasema kila siku kwamba kafulia, hakupenda kuambiwa kazidiwa fedha na K wakati anaamini bado fedha anazo sema aliamua kukaa kimya kwani hakupenda majibizano ya kwenye vyombo vya habari,” kilisema chanzo hicho.
JEURI YAANZIA TEN LOUNGE
Awali, mwanahabari wetu alimshuhudia Wema akiwa na wapambe wake katika Ukumbi wa Ten Lounge (zamani Business Park) uliopo maeneo ya Victoria, Makumbusho jijini Dar ambapo alifika kushuhudia burudani za wasanii mbalimbali.
RAUNDI ZAZUNGUSHWA
Akiwa ukumbini hapo, wapambe wake walionekana kutumia vinywaji mbalimbali (vilivyo na visivyo na kilevi) huku mwenyewe naye akitumia mvinyo wake ambao kwa macho ya kawaida unaonekana si wa pesa za mawazo.
FULL KUREKODIWA
Kuonesha kwamba fedha ipo, kila tukio alilokuwa akilifanya Wema na wapambe wake ukumbini hapo, lilikuwa likirekodiwa na mtu maalum waliyekuja naye na kisha kuondoka pamoja.

Pesa aliyotunzwa mwimbaji huyo na wema.

THAI VILLAGE SASA
Baada ya kutumia vya kutosha Ten Lounge, msururu wa Wema ulihamia katika Ukumbi wa Thai Village ambako ndipo jeuri ya fedha ilipokwenda kukamilika.
Chanzo makini kilichokuwepo ukumbini humo kilimwaga data kwamba, Wema alifika akiwa na kundi la wapambe wake na kwenda kukaa mahali kwa muda huku raundi za vinywaji zikizungushwa kwa staili ya kata mti, panda mti.
AKUNWA NA MUZIKI WA SKYLIGHT
Wakati Miss huyo asiyechuja tangu alipotwaa taji hilo mwaka 2006 akiendelea kupata vinywaji vya hapa na pale, muziki mzuri wa Skylight Band ulimuinua na kujikuta yupo jukwaani chini ya himaya ya mwanamuziki mahiri anayefahamika kwa jina la Sam Mapenzi.
“Sam alimpagawisha kinoma Wema pale alipopiga wimbo wa All of Me ulioimbwa na John Legend, mtoto wa kike akapanda jukwaani na kukaa karibu yake, akawa anasikiliza mashairi hayo huku akimwaga manoti ya hatari katika kumtunza,” kilisema chanzo hicho.
ZAMZIDI KAJALA
Chanzo hicho kilizidi kutiririka kuwa, kwa hesabu za harakaharaka, Wema alimwagia Sam noti za elfu kumikumi zisizopungua mia moja (jumla milioni moja) hivyo kuzipiku zile za Kajala alizomwaga hivi karibuni wakati akiwatunza Yamoto Band katika Viwanja vya Leaders zilizodaiwa kufikia shilingi laki saba.

Mwigizaji wa filamu za Kibongo, Beautiful Onyinye, Wema Sepetu.

“Chezea Madam (Wema) wewe, kamwaga pesa kama hana akili nzuri, alitoa pochi ndogo iliyokuwa ndani ya pochi kubwa, balaa.“Zile alizotoa Kajala kwa Yamoto Band zilikuwa fedha za mboga, Madam kamwaga fedha ya maana leo,” kilisema chanzo hicho.
MPAMBANO UNAENDELEA?
Baadhi ya wadau wa burudani waliozungumza na mwandishi wetu, walidai Kajala hawezi kukubali kuzidiwa, hivyo lazima naye atasababisha tukio la maana hivi karibuni.
“Unafikiri Kajala atakubali? Subirini mtaona jeuri yake hivi karibuni,” alisema mdau huyo huku akiomba hifadhi ya jina.
TUJIKUMBUSHE
Makabrasha ya Risasi Mchanganyiko yanaonesha kwamba, Wema na Kajala walikuwa marafiki wa kushibana lakini baadaye walipishana kauli na sasa kila mmoja anaishi kimpango wake.

Read More